Diolch i gyllid ychwanegol gan Gyngor Dinas Casnewydd, mae’r Parth Siarad wedi ehangu ei wasanaeth i gynnwys Ymgynghoriadau Rhieni a chwnsela am ddim i rieni, gwarcheidwaid cyfreithiol neu ofalwyr. Cysylltwch â ni i gael mwy o wybodaeth

Ar gyfer rhieni, athrawon a gweithwyr proffesiynol eraill sydd eisiau gwybod mwy am wasanaethau cwnsela mewn ysgolion cynradd ac Ysgolion Anghenion Dysgu Ychwanegol. 

Mae TalkingZone yn darparu mynediad at gwnselydd ym mhob ysgol gynradd ac anghenion addysgol arbennig yng Nghasnewydd, gan gefnogi plant a phobl ifanc sy'n teimlo gofid emosiynol. Mae cwnsela yn weithgaredd cyfrinachol a'r plentyn/person ifanc a'r cwnselydd yw'r unig rai a fydd yn ymwybodol o gynnwys y sesiynau, oni bai y bydd yn dod i'r amlwg bod yna risg o niwed arwyddocaol. 

Fodd bynnag, bydd y cwnselydd yn annog rhieni neu warcheidwaid cyfreithiol i fod yn rhan o'r broses o'r cychwyn. Bydd cyfle ar gychwyn y cwnsela i'r rhiant neu warcheidwad gwrdd â'r cwnselydd. Mae hyn yn rhoi cyfle i drafod yr heriau mae'r plentyn yn eu hwynebu ac yn caniatáu i'r cwnselydd ennill gwell dealltwriaeth o sut i fynd ati i weithio gyda'r plentyn. Bydd cyfle hefyd i gwrdd â'r cwnselydd ar ddiwedd y sesiynau cwnsela er mwyn derbyn cyngor ar sut i gefnogi'r plentyn wedi i'r ymyrraeth ddod i ben.